Flori Kasaj ka përfunduar studimet me rezultate të shkëlqyera në degën e Fizikës në Fakultetin e Shkencave të Natyrës pranë Universitetit të Tiranës.

I nxitur nga pasiviteti i studentëve dhe nga jeta studentore e përgjumur, lë këshillin studentor dhe krijon Forumin Rinor të Shkencave. Numërohen mbi 30 certifikata të trajnimeve me tematika të ndryshme ku ka marrë pjesë dhe dhjetëra seminare e konferenca.

Pasioni i tij në fushën e edukimit e nxiti edhe drejt letërsisë për fëmijë. Libri i parë i tij “Andrushi” sjell tematikën e sakrificës dhe përkushtimit për mikun dhe është vlerësuar nga kritika e specializuar. Autorë si Prof. Dr. Klara Kodra, Dr. Natasha Shuteriqi - Poroçani apo gazetari dhe përkthyesi i njohur Erion Kristo e kanë vlerësuar këtë libër. Edhe Bukinist.al dhe Blogu Leximtari e kanë vlerësuar mes 7 prurjeve më të mira për fëmijë, botuar gjatë vitit 2022.