Aleksandër Stipçeviq lindi më 10 tetor 1930 në Arbnesh të Zarës, në Kroaci në vitin 1930. Origjina e largët e familjes së tij vjen nga rrethi i Shkodrës, ku të parët e tij u zhvendosen treqind vjet më parë në rrethin e Zarës. Ka studiuar arkeologjinë dhe ka drejtuar një varg institucionesh e projektesh që lidhen me bibliotekat, historinë e librit, botimet enciklopedike etj., deri te Akademia e Shkencave të Kroacisë. Që nga viti 1987 ka qenë profesor ordinar në Fakultetin Filozofik të Universitetit të Zagrebit, ku mbante kursin e historisë së librit, sociologjisë së librit dhe bibliografisë. Është autor i një numri të madh veprash për ilirët dhe historinë e librit: “Historia e ilirëve”, “Arti i ilirëve”, “Simbolet e kultit te Ilirët”, “Bibliografi për ilirët”, “Historia e librit”, “Censura në biblioteka”, “Interpretime albanologjike”, etj. Më shumë se dyzetë vjet emri i tij identifikohej me rezultatet më të reja të studimeve rreth ilirëve. Aleksandër Shandri Stipçeviq vdiq më 31 gusht 2015.