Michel Houellebecq ka lindur më 26 shkurt 1956 në ishullin francez të Reunion. Ai është djali i Lucie Ceçaldi, me prejardhe algjeriane dhe i Rene Thomas, një instruktor skish. Houellebecq ka jetuar vitet e para deri në vitin 1961 në Algjeri me gjyshen e tij nga nëna. Më pas jetoi me gjyshin nga i ati, i cili ishte me pikëpamje komuniste ndërsa nëna e tij u zhvendos për punë në Brazil. Mbiemrin Houellebecq e mori nga gjyshja e tij, të cilin më pas e përdori edhe si mbiemrin letrar.

Shkollën e mesme e mbaroi në Paris dhe më pas ndoqi Intitutin Kombëtar të Agronomisë Paris-Grignon. Fillimet e veta në fushën e letërsisë i pati me një revieë letrare të quajtur Karamazov dhe më pas nisi të shkruajë poezi.

Shkrimet e para i botoi në revistën letrare La Nouvelle Revue ndërsa biografinë e parë ia kushtoi shrkimtarit horror H. P Lovercrast. Përgjatë viteve 90 filloi të botojë veprat e para. Vepra e dytë, Thërrmijat elementare e bëri të njohur në arenën ndërkombëtare, sepse u botua shumë shpejt edhe në gjuhën angleze. Në vitin 2001 botoi librin me tregime Lanzarote dhe romanin “Platform”.

Romanet e tjera të këtij autori janë “Nënshtrimi”, “Zgjerimi i fushës së luftës”, Ïshulli i mundshëm”dhe “Harta dhe territori”. Në janar të vitit 2019 ka botuar romanin e tij “Serotonin.”Pjesë e pandarë e aktivitetit të tij letrar është edhe poezia, ku ka botuar deri më tani veprat: “La Poursuite du bonheu”, Renaissance”, Configuration du dernier rivage” dhe disa libra me ese.

Ky autor ka marrë shumë çmime letrare të shumta si Goncourt, dhe së fundi është bërë Kavalier i Legjionit të Nderit.

Në karrierën e tij janë të renditura edhe disa filma.

Michel Houellebecq shkruan për çështjet e moralit njerëzor, seksit, prostitucionit, islamizmit, fondamentalizmit dhe raporteve mes njerëzve të besimeve dhe kombësive të ndryshme.