Rutger Bregman është një nga mendimtarët e rinj më të spikatur në Europë. Ai është autor i katër librave mbi historinë, filozofinë dhe ekonominë. Libri i tij “Historia e progresit” fitoi në Belgjikë çmimin “Liberales”, si libri më i mirë joletrar në vitin 2013, dhe është nominuar dy herë për çmimin prestigjioz “Shtypi europian” për punën e tij gazetareske në “The Correspondent”. Botimi në gjuhën holandeze i librit “Utopia për realistët” u bë bestseller kombëtar dhe ndezi shkëndijat për ngritjen e një lëvizjeje mbi të ardhurat bazike, duke bërë kështu bujë në mbarë botën. Analizat e tij janë botuar në “Washington Post”, “Guardian” dhe shfaqur në “BBC”.