Para se të punonte në Harvard në vitin 2009, Rolf Mowatt-Larssen-i shërbeu për tre vjet si Drejtor i Zbulimit dhe Kundërzbulimit në Departamentin e Energjisë së SHBA-ve.

Ai shërbeu për 23 vjet si oficer i lartë i inteligjencës në CIA, në poste të ndryshme në vendin e tij, si edhe në vende të ndryshme të botës, duke përfshirë pozicionin e Shefit të Divizionit të Europës në Drejtorinë e Operacioneve gjatë kohës së Luftës së Ftohtë, Shef i Departamentit të Armëve të Shkatërrimit në Masë, Qendra e Kundërterrorizmit, si dhe Zëvendës-Drejtor i Asociuar i Inteligjencës Qendrore për Mbështetjen Ushtarake.

Përpara karrierës së tij në inteligjencë dhe pas diplomimit në Akademinë Ushtarake të Shteteve të Bashkuara në West Point, Rolfi shërbeu si oficer në ushtrinë amerikane. Ai është i martuar me Rozin. I lindur si një luteran nga prindër norvegjezë, Rolfi e kulmoi udhëtimin e tij të besimit, duke u konvertuar në katolicizëm në Aman të Jordanisë, në vitin 2013. Pas shumë detyrash në Europë dhe Lindjen e Mesme, që përfshinë pesë dekada në shërbim të vendit, në vitin 2016 Rolfi dhe Rozi u kthyen përgjithmonë në SHBA.