H. G. Wells, i njohur me emrin plotë Herbert George Wells, ka lindur më 21 shtator 1866 dhe është ndarë nga jeta më 13 gusht 1946 në Angli. Ai është romancier, gazetar, sociolog dhe historian i njohur për romanet e tij fantastiko-shkencore si Makina e kohës dhe Lufta e botëve dhe romaneve komike si “Tono-Bungay” dhe Historia e zotit Polly.

Wells është diplomuar në Universitetin e Londrës në vitin 1888 dhe u bë mësues i shkencës.

Libri i tij i parë ishte Teksti i biologjisë (1893). Dy vjet më vonë botoi romanin Makina e kohës i cili id ha një sukses të menjëhershëm. Ai nisi seri të tjera të romaneve shkencore, duke shfaqur talent dhe origjinalitet në mënyrën sesi rrëfente dhe përcillte idetë përmes fictionit. Më pas ai shkroi librat: Vizita e jashtëzakonshme (1895) Ishulli i Doktor Moreau (1896) Njeriu i padukshëm (1897) Lufta e botëve (1898) Njeriu i parë në Hënë (1901). Ai ka shkruar edhe disa vëllime me tregime, si: The Stolen Bacillus (1895), The Plattner Story (1897), “Tales of Space and Time” (1899). Për kohën ai vlerësohej si profeti i së ardhmes. Përmes librit “Lufta në ajër” (1908) ai parashikoi përdorimin ushtarak të avionëve. Përsa i përket imagjinatës, ai është konkurrues me fuqinë krijuese të Zhyl Vernit, por me libra të tillë si “Njeriu i parë në hënë” apo “Lufta e botëve”, të cilat i botoi më vonë, u bënë imazhet e marsianit që tejkaloi mitologjitë popullore.

Në një moment Wells vendosi të braktisë rrëfimin fantastiko-shkencor dhe ti kushtohet romaneve komike të dedikuara për shtresat e ulta dhe të mesme. Ai botoi disa libra: Dashuria dhe z. Leëisham” (1900) “Kipps: Historia e një shpirti të thjeshtë” (1905), “Historia e z. Polly” (1910). Në këto romane ai sjell jetën e thjeshtë, heronjtë ambiciozë, priftërinjt, menaxherët, mësuesit, etj. Në romanet e tij autori fokusohet tek problemet thelbësore të shoqërisë perëndimore, që u bënë shqetësimet e veprës së tij.

Më pas Wells iu drejtua edhe veprave të natyrës historike, si: The outline of history (1920, ribotim 1931), Shkenca e jetës (1931) dhe “Puna, mirëqenia dhe kënaqësia e njeriut” (1932). Në këtë kohë shkroi edhe romane si “Eksperiment në autobiografi” (1934) dhe skenare për filma si Strukturimi i gjërave që vijnë (1933).

Herbert George Wells mbetet ndër shkrimtarët më të spikatur të letërsisë angleze dhe botërore dhe një ndër mjeshtrat e letërsisë fantastiko-shkencore.