Vladimir Medvedev ka lindur në vitin 1944, në Zabaikal të Siberisë, në rajonin e liqenit të Baikalit. Kur ishte ende fëmijë, familja e tij u vendos në Taxhikistan, ku u shkollua dhe kaloi pjesën më të madhe të jetës. Ka punuar në minierë, mësues, korrespondent në gazeta, fotoreporter dhe redaktor letrar.

Është autor i shumë eseve, novelave të botuara në revista letrare si dhe i një përmbledhjeje me tregime të shkurtra. “Zahok—Tirani” është një nga romanet më të rëndësishme të letërsisë së sotme ruse.

Medvedev zbulon anën e panjohur të Pamirit Taxhik, dhe gërsheton me mjeshtëri gjenealogjinë e despotizmit dhe terrorit. Vepra e tij e mban lexuesin në ankth deri në faqet e fundit të librit.