Nexhmije Muça ka lindur më 9 dhjetor 1956. Ajo ka studiuar në degën Gjuhë – Letërsi në Universitin e Tiranës dhe është diplomuar në vitin 1979. Në vitin 1988 ka përfunduar studimet pasuniversitare për gazetari. Zonja Muça ka botuar libra me tregime, përralla, shkrime publicistike dhe literaturë pedagogjike. Në krijimtarinë e saj përmenden veprat: “Luleshqerra” (1987), “Vajza dhe zogu” me të cilin ka fituar çmimin letrar të vitit 1995 nga Ministria e Kulturës në bashkëpunim me shoqatën mbarëkombëtare të Letërsisë për fëmijë dhe të rinj, “Udhëtimi i Gentit” (1996), “Shtëpiza e Perlës” (1999), “Reja xixëlluese” (2007), “Habia e mbretëreshës” (2015) si dhe është bashkëautore e disa librave në fushën e pedagogjisë për gjuhën dhe letërsinë në shkollë.  

Në vitin 2012 Nexhmije Muça ka botuar romanin “Kambana e trembëdhjetë”.