Knut Hamsun, romancier e poet norvegjez, fitues i Çmimit Nobel për Letërsinë. Një nga shkrimtarët më të mëdhenj e më me ndikim në letërsinë moderne. Thomas Mann – i e quante Hamsunin pasardhës të Dostojevskit e të Niçes.

Ndonëse shkrimtari më i famshëm norvegjez, simpatia e tij e pafshehur për Gjermaninë naziste e për Hitlerin, bëri që pas lufte ai të dënohej. Pavarësisht moshës së tij të shkuar, Hamsuni u mbyll për disa muaj në një spital psikiatrik, ndërkohë që me vendim gjyqi iu konfiskua e gjithë pasuria, duke bërë që ai të vdiste në varfëri në vitin 1952.

I lënë mënjanë për shumë vjet, figura e tij si një nga shkrimtarët më të mëdhenj norvegjezë, u rehabilitua në vitin 2009, kur qeveria norvegjeze organizoi festime të shumta me rastin e përvjetorit të tij të lindjes, duke ngritur për nder të tij dhe një statujë në qendre të Oslos, si dhe duke emetuar një monedhë me portretin e tij.

KOMENTET

"E gjithë shkolla e prozës moderne të shekullit të XX – të rrjedh prej Hamsunit."

Isaac Bashevis Singer, fitues i Çmimit Nobel për Letërsinë

"Asnjëherë Çmimi Nobel s'i është dhënë dikujt që ta meritojë më shumë sesa Hamsuni."

Thomas Mann, fitues i Çmimit Nobel për Letërsinë