Gazmend Kapllani ka lindur në vitin 1967 në Lushnjë, Shqipëri. Ka emigruar nga Shqipëria në Greqi në vitin 1991. Ai është tani një shkrimtar i suksesshëm, dramaturg, gazetar dhe mbrojtës i të drejtave të emigrantëve shqiptarë në Greqi. Aktualisht jeton në SHBA ku ushtron profesionin e profesorit. Ka shkruar disa libra si Ditar i shkurter kufish (Albas), "I keqi i vetes", "My name is Europe", etj.
Përmes personazheve që mbartin brenda tyre sekrete të dhembshme dhe tragjeditë e shekullit XX, Kapllani rinderton historinë e një familjeje që fsheh origjinën e saj. Ai rrëfen historitë e një babai dhe të birit, që iu mbijetojne regjimeve mizore dhe një epoke të trazuar falë pasionit dhe dashurisë për librat dhe gjuhët.
Pas suksesit të jashtëzakonshëm në Greqi, Shqipëri, Itali dhe Amerikë të romanit “Një ditar i shkurtër kufijsh”, Kapllani vjen me një tjetër roman: “Ngjarjet do ta dërgojnë lexuesin dhe në katër qytete të tjera të Europës e të Amerikës për t’u kthyer sërish në Ters. Sepse nuk mund të dish se ku po shkon, pa kuptuar më parë se nga ke ardhur.