Sot kemi vetëm ngjërimin e një produkti leksikografik që shqipes i duhej ta kishte këtu e gjashtëdhjetë vite përpara. Botohet për herë të parë një vepër leksikografike e tipit kritik, nga e cila mjerisht kemi vetëm dy germa. Mundime të tilla nuk kanë çmim dhe shpërblesa e tyre shkon në fakt in re ipsa - në vetë rendin e filozofisë mbi shqipen e përbashkët.
Në vitin 1955 Mustafa Kruja, shkruante në emigrim "Nji studim analitik - Ç'na mëson Frangu i Bardhë me Fjalorin e vet... Kënduesi s'ka për të gjetun vetëm nji listë alfabetike të thatë të fjalëvet shqipe të Frangut të Bardhë (kund nja 2500), por diça edhe mâ tepër, qi kam shpresë se mund t'i sjellë nji dobi praktike studimit të gjuhës s'onë përgjithsisht".