Arben Dedja ka lindur në Tiranë në vitin 1964 dhe është diplomuar në Fakultetin e Mjekësisë në vitin 1988 dhe në vtin 1994 përfundon specializimin në këtë degë. Që nga viti 1999 ai jeton në Itali ku punon kërkues shkencor në universitetin e Padovas. Ai ka bërë edhe një studim eksperimental në fushën e neonatologjisë. Por, përtej të gjithave, ai është edhe autor librash. Ka publikuar katër botime me poezi ( dy në shqip dhe dy në italisht) dhe ka përkthyer disa poetë të njohur botëror në gjuhën shqipe, si Saba, Holub, Cavalcanti, Plath dhe Blake. Libri i tij i parë me tregime titullohet Amputime të zgjatura” i botuar në vitin 2011 në gjuhën shqipe dhe në italisht në vitin 2014. Po në këtë vit botoi edhe librin tjetër “Studime eskatologjike. Një vit më vonë u nderua me me çmimin “Autor i vitit” në Panairin Kombëtar të Librit. Ai ka botuar gjithashtu edhe “Kulla e mishit” (2016) si dhe poezi dhe tregime, në gjuhën shqipe dhe në italisht botuar në organet e specializuara letrare.