Calvetti ka lindur në Milani në vitin 1958. Ka studiuar në Liceun Manzoni për linguistikë dhe më pas është diplomuar në fushën e artit (Dramë, Art dhe Muzikë) në Universitetin e Bolonjës. Pas mbarimit të studimeve ajo shkroi librin e saj të parë “Lo spazio fantastico”.

Karriera e saj nisi si gazetare në gazetën e përditshme “La Repubblica”, duke shkruar artikuj në fushën e kërcimit dhe muzikës. Më pas kontribuoi për emisionet e RAI 2. Në vitin 1999 publikoi novelën e saj të parë “L’Amore segreto” , e cila u përkthye në disa vende të botës. Në novelën e saj të dytë “L’addio” sjell historinë e tri grave dhe miqësinë e tyre.

Novela e tretë “Né con te né senza di te” doli në qarkullim në vitin 2004 dhe është frymëzuar nga filmi i François Truffaut “The Ëoman Next Door”.

Në vitin 2006 publikoi librin “Perché tu mi hai sorriso” (Bompiani), një lloj dueli mes nënës së vjetër dhe vajzës, e impresionuar nga një lloj marrëdhënie misterioze dhe pasionante.

Paola Calvetti është e martuar dhe ka dy fëmijë.