Jazra Khaleed Grozni (1979-) është poet, përkthyes dhe kineast. Jeton në Athinë dhe shkruan në gjuhën greke. Veprat e tij janë akuza ndaj fashizmit, padrejtësisë sociale, dhunës policore dhe racizmit  në Greqinë e sotme. Vitet e fundit janë botuar në gjuhë të ndryshme: Requiem für Homs (Parasitenpresse, Gjermani, 2022), Requiem pour Homs et autres poèmes (Marges en Pages, Francë, 2022), The Light That Burns Us (World Poetry Books, SHBA, 2024), Prolepoíisi (Teflon, Greqi, 2024), Die Hoffnung hat immer einen Plan B (Moloko Print, Gjermani, 2023) . Poezitë e tij janë përkthyer dhe publikuar në revista e gazeta të njohura, si: The Guardian, The Los Angeles Review of Books, World Literature Today, Tripwire, Modern Poetry in Translation, Glänta, Lichtungen, Die Horen, etj. Ai është gjithashtu, themelues i revistës poetike “Teflon”.