Iris Hanika lindi në Würzburg, më 1962. Që prej vitit 1979 jeton në Berlin. Kreu studimet për Letërsi të Përgjithshme dhe të Krahasuar në Universitetin e Lirë të Berlinit.

Fillimisht punoi si përkthyese dhe gazetare e pavarur. Më pas si kritike për librat politikë në gazetën “Frankfurter Allgemeine Zeitung” dhe si redaktore në revistën “Merkur”.

Iris Hanika e nisi karrierën si shkrimtare me romanin e saj të parë “Katherina oder Die Existenzverpflichtung”. Përveç romaneve ka botuar ese e përmbledhje kronikash, si dhe është pjesë e një vepre të përbashkët artistike të titulluar “Berlin im Licht: 24 Stunden Websam”.

Është fituese e çmimit “Hans Fallada” të qytetit Neumünster, më 2006, si dhe Çmimit Europian për Letërsinë në nëntor të vitit 2010 për romanin “Thelbësorja në jetë”.