Fred Abrahams është i punësuar në qendrën Human Rights Watch dhe merret me investigime në zona konfliktuale nëpër botë. Ai ka realizuar misione dhe studime në disa vende si Shqipëria, Bangladeshi, Iraku, Kosova, Libani, Sri Lanka, Izraeli, Gaza, etj.

Abrahams ka shkruar një sërë artikujsh për çështjen e të drejtave të njeriut dhe ligjet e luftës. Është bashkëautor në librin “A Village Destroyed: War Crimes in Kosovo” (University of California Press, 2002).

Dhe autor i librit “Modern Albania: From Dictatorship to Democracy in Europe (NYU Press, 2015), në të cilin përshkruan rënien e komunizmit dhe turbulencat që e shoqëruan tranzionin e stërzgjatur.

Abrahams ka mbaruar studimet në Gjermani dhe më pas një mastër për çështjet ndërkombëtare në Columbia University. Ai flet gjermanisht dhe shqip. Lidhja e tij me Shqipërinë nisi në vitet 1993-94 kur erdhi me një projekt të fondacionit Soros për të ndihmuar në hapjen e departamentit të Gazetarisë dhe më tej në projektet për monitorimin e të drejtave të njeriut në vendin tonë.