Anila Mema është gazetare në profesion dhe ka punuar për më shumë se dhjetë vite pranë gazetës “Panorama” e media të tjera, si gazetare, redaktore, kryeredaktore në fushën e kulturës. Që prej  vitit 2011,  drejton zyrën e Komunikimit,  Medias dhe Marketingut pranë Teatrit Metropol. Është autore e dokumentarëve “Mitet e Tiranës”, një seri rrëfimesh dhe ndjesish të ndryshme artistësh, aktorësh, kineastësh, shkrimtarësh, piktorësh, skulptorësh për Tiranën e kujtimeve të tyre. Autore e projektit “Përqafimi” një video sensibilizuese mbi mungesën e “përqafimit” të artit dhe kulturës në vend gjatë periudhës së pandemisë në vitin 2020. Eshtë drejtuese e zyrës së medias në fondacionin “Ibrahim Kodra”. Ka drejtuar një sërë fushatash të ndryshme sensibilizuese mes artistëve nën siglën “Metropoli dhuron” , si mbjellje pemësh, dhurim gjaku, mbledhje ndihmash dhe ushqimesh për shtresa në nevojë. Arti mbetet një nga dashuritë e përkushtimet e saj më të mëdha.