Niklas Luhmann lindi në Lüneburg në vitin 1927. Studioi për Drejtësi në Freiburg. Në vitin 1952 nis ndërtimin e kartotekës së tij të famshme. Në vitet 1960/61 fiton një bursë në Universitetin e Harvard-it, ku njihet me sociologun amerikan, Talcott Parsons, një ndër etërit e teorisë së sistemeve. Prej vitit 1968 deri në vitin 1993 punon si profesor sociologjie pranë Universitetit të Bielefeld-it, i cili sot mban emrin e tij. Në vitin 1997 u botua vepra e tij kryesore, „Die Gesellschaft der Gesellschaft“ (Shoqëria e Shoqërisë ), një teori sociologjike me karakter universal, rezultat i një pune 30-vjeçare.

Niklas Luhmann konsiderohet si një ndër mendimtarët më të shquar gjermanë të shekullit XX, krahas Jürgen Habermas-it, me të cilin ka zhvilluar edhe shumë polemika shkencore.