Alki Zei

Alki Zei është shkrimtarja më e madhe greke për fëmijë

Alki Zei lindi në Athinë më 1925. Babai ishte nga Kreta, kurse nëna nga Samoja, ku kaloi fëmijërinë. Studioi në Fakultetin e Filozofisë të Universitetit të Athinës, në Fakultetin e Dramës të Konservatorit të Athinës dhe në Institutin e Kinematografisë në Moskë.


Në vitet 1954-1964 jetoi si azilante politike në Bashkimin Sovjetik. Më 1964 u kthye në Greqi, por më 1967 u vendos në Francë me ardhjen në pushtet të Juntës ushtarake, për t’u kthyer vetëm pas rënies së regjimit diktatorial.


Është marrë me letërsi që e vogël, duke shkruar tekste për teatrin e kukullave. Romani i parë është Tigri i vitrinës (1963) që e merr frymëzimin nga fëmijëria në Samo.


Në vitet ‘70 boton disa romane për fëmijë: Lufta e Petros; Ungj Platoja; Këpucët e Hanibalit, etj. Më 1987 u botua libri i parë për të rritur, E fejuara e Akilit. Më 1992 Gjyshi gënjeshtar dhe më 2002 Kostandina. Më 2013 boton romanin autobiografik Me laps fabër numër dy. Librat e saj janë përkthyer në shumë gjuhë. Më 2010 u nderua me medaljen e Akademisë së Athinës.


Më 2012 u shpall Doktor nderi në Universitetin e Qipros. Më 2014 Doktor nderi i Universitetit “Aristoteli” të Selanikut, ndërsa më 2015 mori të njëjtin nderim nga Universiteti i Patrës.


Në janar 2015 shteti francez e nderoi me Kryqin e Artë të Legjionit të Nderit, ndërsa në shtator 2015 me titullin Komandant i Urdhrit të Arteve dhe të Letrave.

Lista e librave të autorit

Shfaq 1 - 2 nga 2 libra
  • Shikim i shpejtë
    600 Lekë Në stok
    I ri

    Letro është një vogëlushe që i pëlqen të lexojë libra, të shkojë në teatër dhe ti ngjajë Antigonës së Sofokliut. Ajo zë miqësi me shokun e saj francez, Benuain, dhe bashkë, falë fantazisë, kanë ide, thurin plane dhe bëjnë lodra fantastike. Mes tyre është edhe çadra e purpurtë. Për të mësuar më shumë rreth saj, ju ftojmë të lexoni librin, të cilin e ka...

    600 Lekë
    Në stok
  • Shikim i shpejtë
    700 Lekë Në stok
    I ri

    Një tjetër libër i autores së famshme greke Alki Zei vjen në shqip: Por kësaj radhe, romani është për lexuesit e rinj: Në këtë libër trajtohet historia e një adoleshenteje, që dalëngadalë rrëshqet drejt drogës. Por është edhe historia e dy brezave, që nuk duan ta pranojnë se, pavarësisht nga mosmarrëveshjet, janë edhe të ngjashëm. Vlera e këtij romani nuk...

    700 Lekë
    Në stok
Shfaq 1 - 2 nga 2 libra