Inxhinier i diplomuar ne Universitetin e Ljubjanës në degën e Shkencave Natyrore Teknologjike. Me përvojë shumëvjeçare ndërkombëtare, Xharra punoi në ndërmarrjen zvicerane “Bezema” si drejtor i shitjes ne Azinë Qendrore nga viti 2004, në Zvicër.

Më herët punoi si drejtor i shitjes për Evropën Juglindore në ndërmarrjen zvicerane CIBA, në Selanik dhe drejtori i shitjes për Afrikën Veriore, në Marok. Në Kosovë ka punuar si shef laboratori dhe drejtor prodhimi në ndërmarrjen “Emin Dukaru” në Gjakovë.

Ka drejtuar edhe ndërmarrjet Përpunimi dhe Tjerrtorja në Gjakovë, Zotëron shumë gjuhë të huaja përfshirë këtu gjuhët frënge, angleze, serbo-kroate, sllovene, gjermane, italiane, rumune, arabe, ruse, greke, e bullgare.

“Me aftësitë e mia profesionale fitova reputacion i cili u shpërblye me vendosjen time në shumë shtete të botës, mu aty ku firma CIBA kishte nevojë më së shumti. Vendosja e marrëdhënieve të shëndosha ndërpalëshe në mes të firmës dhe klientelës së Afrikës Veriore, Evropës Juglindore dhe Azisë Qendrore qëndron në moralin tim të lartë prej bashkëbiseduesi të denjë, përfaqësuesi të respektuar dhe njohësi të një mori gjuhësh të huaja.