Gruaja e Pyllit

Kush do t’i mbrojë të varfrit kundër padrejtësisë dhe mizorisë?

Kur pesëmbëdhjetëvjeçarja Meri de Holt ikën nga shtëpia, ka një arsye të fortë: xhaxhai, i cili e ka rritur, do që ta martojë me një pasanik plak. Meri do të bëhet Zonja e Gjelbër e pyllit dhe do të fillojë një jetë të re, me një emër tjetër, Mariana. Njerëzit do të dëgjojnë për të, për mirësinë dhe dorën e saj që shëron mrekullisht dhe do të mendojnë se është një shtrigë...

Në të vërtetë, ajo është ngushëllimi i vetëm i të varfërve. Një grup grash që rebelohen kundër padrejtësive, do të bashkohen në pyll dhe pasi Mariana të bindet se cili është misioni i saj, ndoshta as dashuria për Robertin, pjesëtar i një bande që grabit të pasurit për t’ua dhuruar të varfërve, besnik i Mbretit Riçard, nuk do ta kthejë mbrapsht.