Poete te medhenj amerikane

Grup autorësh ALE0004

Libër i ri

Përshkrim i shkurtër

Një seri e cila përmban 5 libra me poezi te autorëve të ndryshëm amerikanë. Poetët që paraqiten në këtë botim përfaqësojnë ndër kulmet e poezisë amerikane dhe asaj botërore të shekullit XX dhe në vazhdim.

Më shumë detaje

900 Artikuj

Detaje të librit

Shtëpia Botuese

Aleph
ISBN9789928411563

2 500 Lekë

Shto në listën e librave që dua

Porosit me një klik

Share

30 libra të tjerë nga e njëjta kategori:

Më tepër

Librat janë të pajisur me shënime të hollësishme, me hyrje biografike dhe artistike dhe në fund me ese kritike mbi artin poetik të autorit të përfaqësuar.

Kjo seri përmban këto titujt si:

1. "Shënime nga realiteti i vetes", i autores Jorie Graham. Lindi dhe e kaloi fëmininë në Romë, prandaj dhe janë aq të shpeshta në vargjet e saj vegimet italiane. Modeli kryesor modernist i saj mbetet Wallace Stevens, për të cilin “poezia duhet t’i rezistojë intelektit me sukses thuajse të plotë”.

2. "Delfini", i autorit Robert Lowell, i cili është dhe babai i të ashtuquajturës ‘poezi konfesionale’, kishte bindjen e thellë se “poezia nuk është dëshmia me shkrim e një ngjarjeje; vetë ajo duhet të jetë ngjarje”. Figurë kyçe e letërsisë amerikane të shekullit XX, pinjoll i një prej familjeve më të shquara aristokrate të Bostonit, pati një jetë publike spektakolare (burg për mosbindje civile, përplasje me presidentë etj.) dhe një jetë private rraskapitëse për veten dhe për familjet e tij, rënduar kjo nga shëndeti i tij i paqëndrueshëm mendor.

3. "Ditari i vitit të buallit", i autorit Charles Wright, i cili e zbuloi prirjen e tij në Itali, ku ndodhej me shërbim ushtarak dhe ku lexoi Pound-in ‘italian’ e më pas u njoh me Danten dhe me poezinë e madhe të Eugenio Montale-s. Peizazhi i tij është një kolazh i tre peizazheve: ai i verilindjes italiane, ai amtar i juglindjes amerikane si dhe peizazhi i gjuhës, si gjurmë në tokë e hyjnores. Kemi pra një mitografi, më tepër se një gjeografi të mirëfilltë. Metafizika e tij nuk kërkon tjetër ngushëllim përveçse tokësores, e cila është e vetmja parajsë që mund të kemi, parajsë e cila bëhet e prekshme realisht vetëm kur rregulli i gjërave shfaqet e rishfaqet përmes epifanive dhe vegimeve që autobiografia i mvesh gjeografisë.

4. "Tek era e kam shpëtimin", i autorit Archibald R. Ammons. Vepra e tij i përket një poezie radikalisht amerikane, e cila vijon një traditë që nis me Ralph Waldo Emerson-in (1803-1882), i cili ishte i bindur se poezia është shkruar me kohë (madje, thotë ai, ‘para se të fillonte koha’), ajo gjendet në botën që na rrethon, e cila është pronë e kujtdo që jeton. Individi dhe kozmosi janë pjesë e një të tëre harmonike; tokësorja dhe hyjnorja gjenden së bashku në thurjen e tekstit të madh të natyrës dhe individi, nëse ruan lirinë dhe integritetin e mendjes së tij, jo vetëm mund të pikasë të vërtetat mistike, por edhe të jetë pjesë e tyre.

5. "Lady Lazarus", i autores Sylvia Plath. Poezia e saj është thellësisht vetjake dhe e ndjerë, një rrëfim i çiltër deri në brutalitet i një ekzistence të trazuar e me fund tragjik. Kjo ndjeshmëri e ngacmuar arrin në ngut e si për të sajojë një mitologji individuale, me anë të së cilës mundohet të hyjë gjer në rrënjët e identitetit dhe të shprehë parandjenjat e saj me një intensitet vizionar të paarritshëm. Marrëdhënia problematike me poetin anglez Ted Hughes dhe vetëvrasja e saj në moshë të re, e kanë kthyer atë në një simbol të feminizmit, duke peshuar, ky mit i martires, ndoshta më tepër sesa vetë cilësia e padiskutueshme e poezisë së saj.

Të dhëna

Lloji i botimitHard Copy
ISBN9789928411563
V. Bot2012
VendodhjaTirane
GjuhaShqip
Tipi i publikimitLibra
Grupmoshambi 18 vjeç
StatusiI ri
PërkthyesiGrup përkthyesish