Iliria, toka jone e lashte

Taulant Hatia TAH0001

Libër i ri

Përshkrim i shkurtër

Historia e ilirëve vjen këtu plot ngjyra e ilustrime, fotografi e skica, duke e shndërruar në një album tërheqës, në një enciklopedi të vërtetë që na shëtit në mijëra kilometrat e gadishullit ilirik e në dhjetëra shekujt e historisë së ilirëve fisnikë.

Më shumë detaje

4 Artikuj

Detaje të librit

Shtëpia Botuese

Liburnia

2 000 Lekë

Shto në listën e librave që dua

Porosit me një klik

Share

30 libra të tjerë nga e njëjta kategori:

Më tepër

Si ndryshoi përkrenarja ilire me kalimin e shekujve? Pse mbreti Monun preu monedha që me figurë nofullën e derrit të egër? Pse besonin ilirët te gjarpri-dragua? Ku është fshehur thesari i mbretëreshës Teuta? Pse varri i mbretit Gent ndodhet në Itali? Ç’kuptim të fshehtë ka labirinti i famshëm dardan?

Pas librit të mirëfilltë studimor “Hyjnitë ilire”, gazetari, përkthyesi e studiuesi Taulant Hatia i rikthehet përsëri lashtësisë sonë me titullin “Iliria, toka jonë e lashtë”, por libri kësaj radhe është i konceptuar ndryshe në pamje dhe përmbajtje. Formati i madh, kopertina luksoze dhe brendia e gjitha me ngjyra sugjeron se po kaq tërheqëse duhet të jetë edhe përmbajtja.

Ku qëndron e veçanta dhe dobia e këtij libri? Librat e tjerë për Ilirinë janë ose studimorë, ose artistikë. Këtu është ndërthurur studimi, fakti historik, me artin, ilustrimin, pamjen dhe gjuhën e thjeshtë.

Në libër janë përfshirë dhjetëra kureshti të ilustruara me qindra pamje artefaktesh, armësh, stolish, veglash. E gjitha kjo të krijojnë efektin sikur i sheh ilirët të gjallë, sikur mund t’i prekësh me dorë. Dhe në një farë mënyre mund t’i prekësh, siç e tregon edhe një model i monedhës së qyteti ilir Damastion, të përfshirë aty.

Nëpër faqe të kalojnë para syve mbretërit e famshëm ilirë, Bardhyli, Glaukia, Pirroja, Agroni e Teuta, Genti, Monuni e Mytili, Skerdi e Batoja. Por edhe anijet e shpejta liburne, përkrenaret dhe mburojat me rrathët që paraqesin diellin. Do të lexoni aty për qytetet e mëdha ilire, Dyrrahun, Apoloninë, Lisin, Skodrën, Bylisin, Dimalen e Rizonin, Meteonin e Damastionin.

Një punë voluminoze dhe këmbëngulëse është bërë për krijimin e një harte sa më të plotë me fiset ilire dhe vendndodhjen e tyre, duke u mbështetur në harta të vjetra e të reja. Rezultati është një hartë mjaft e plotë e gadishullit ilirik dhe një listë me gati 100 fise ilire.

Po kaq interesante duket edhe pjesa mbi kulturën e gjuhën ilire, e cila na tregon një varg fjalësh dhe emrash që dëshmojnë vijimësinë e gjuhës nga ilirët te shqiptarët.

Nga faqet e librit, vijnë plot ngjyra, forcë e shprehje edhe ilustrimet për hyjnitë ilire, për Korrotin dhe Bindin, për Enjin dhe Shkumben, për Thanën dhe Tritën.

“Një udhëtim në tokën e të parëve tanë, në Ilirinë fisnike, krenare dhe madhështore. Ky libër të tregon sa thellë në këtë tokë i ke rrënjët ti, familja jote dhe populli yt. Krenohu me të”. Kështu shkruan autori Taulant Hatia në faqen e parë.

Dhe nëse nuk e ke këtë libër në bibliotekën tënde, atëherë të mungon një pjesë e historisë së familjes...

Të dhëna

Lloji i botimitHard Copy
Faqe98
V. Bot2017
VendodhjaTirane
GjuhaShqip
Tipi i publikimitLibër
Grupmoshambi 14 vjeç
StatusiI ri
Numri i botimeveI parë
HistoriShqipëria