Preng Marka Prenga, flamurtari i Mirdites

Nikolle Loka NL0002

Libër i ri

Përshkrim i shkurtër

Prengë Marka Prenga u bë njëri ndër personalitetet më të shquara të Mirditës kur ishte në interes të krahinës formimi i një personaliteti të profilit të lartë që do të kishte autoritet moral mbi të dymbëdhjetë bajrakët. Themi autoritet moral, sepse Prenga mbeti deri në fund Bajraktari i Oroshit, pa ambicie për funksione e tituj më të lartë. Pavarësisht nga ngjitja në majën e hierarkisë mirditore të kohës, ai nuk u përfshi në luftën për pushtet dhe asnjëherë të vetme në jetën e tij nuk krijoi keqkuptime me Kapidanët. Si aristokrat tradicionalist dhe njohës i mirë i Kanunit ai e kuptonte rolin e vet si Bajraktar.

Më shumë detaje

899 Artikuj

Detaje të librit

Shtëpia Botuese

EMAL
ISBN978 9928 04 210 1

1 200 Lekë

Shto në listën e librave që dua

Porosit me një klik

Share

30 libra të tjerë nga e njëjta kategori:

Më tepër

Si njeri besnik dhe vizionar e shihte çdo pushtet të deleguar prej Kapidanëve si vlerësim që po ia bënin. Në asnjë vend dhe në asnjë rast, Prengë Marka Prenga nuk u përpoq që historinë e madhe të jetës së tij ta përdorte për pushtet dhe lavdi personale. Duhet thënë se ai, në asnjë rast të vetëm, nuk luftoi për lavdi dhe përfitime personale. Autoriteti i tij, gati i njëjtë me të Prengë Bibë Dodës dhe të Marka Gjoni, është vepër dhe investim i shumë faktorëve, në radhë të parë veprës së tij prej atdhetari të njohur, pastaj dhe promovimit që i bënë në qarqet atdhetare Prengë Bibë Doda, Abat Doçi, Bajram Curri, Ahmet Zogu, arbëreshët, krerët atdhetarë nga Kosova, Luma e Dibra, etj. Të flasësh për bajraktarin e Oroshit nuk është punë e lehtë. Të gjurmosh historinë e jetës së tij do të duhet të njohësh historinë dhe traditën; të kuptosh Oroshin e Kapidanëve dhe të Abatëve, Kuvendin e Mirditës dhe Odën Mirditore, të ndjesh barutin e betejave dhe forcën e besës. Prengë Marka Prenga dhe familja e tij kaluan në vështirësi të panumërta dhe u sakrifikuan gjatë gjithë kohës. Ata jetuan si të gjithë të tjerët në Bulsharin e tyre dhe nuk u tunduan nga zgjidhjet me përfitime. Në rrethanat që u erdhi jeta bënë zgjedhjen e tyre, me idealizëm, duke marrë mbi vete edhe pasojat e atij idealizmi, pasi fatkeqësisht të ishe atdhetar idealist do të thotë të vuaje, të sakrifikoje dhe të vetëflijoheshe, siç ndodhi me idealistët e mëdhenj: Bajram Curri, Hasan Prishtina, Luigj Gurakuqi, etj. Idealistëve në radhët e nacionalizmit shqiptar, jeta u kishte rezervuar fatkeqësi të mëdha.

Të dhëna

Lloji i botimitHard Copy
Faqe295
ISBN978 9928 04 210 1
Titulli origjinalEMAL
RedaktoriDede Shkurti
V. Bot2014
VendodhjaTirane
GjuhaShqip
Tipi i publikimitLibër
Grupmoshambi 14 vjeç
StatusiI ri
Numri i botimeveParë