Menu
> >>>Nga fillimi ne fund - Volumi 2
Nga fillimi në fund - Volumi 2 View larger

Nga fillimi ne fund - Volumi 2

Preç Zogaj UE0186

New product

Përshkrim i shkurtër

Ky vëllim përfshin librat: Nga hiri/ Finalja, Të gjithë nëpër vendet e tyre, Në kërkim të zgjedhjeve të humbura

More details

500 Items

Detaje të librit

Shtëpia Botuese

UET Press
ISBN9789928236357

1 500 Lekë

Si të blej?

Shto në listën e librave që dua

Porosit me një klik

Share

30 other products in the same category:

More info

Shkronjat, fjalët, fjalitë e Preç Zogajt, formacionet e tij të ndërtimit të subjektit, të përshkrimit të personazheve reale të tranzicionit apo të fantazimit dhe romanizimit të ngjarjeve të tranzicionit shqiptar janë nga prurjet më të mira të letërsisë publicistike shqiptare. Kjo tipologji librash është në zhdukje e sipër, për shkak të faktit se kronika është bërë aq e dendur, aq intensive, aq me prurje saqë jo vetëm nuk ka më shënjues të vëmendshëm të kësaj kronike, por sidomos nuk ka më luksin që të ketë një kualitet si Preç Zogaj për t’i marrë, përthyer, shkruar dhe dhënë publikut ngjarjet, personazhet dhe fenomenet e tranzicionit shqiptar.

Besoj se botimi final i kolanës së publicistikës politike së Preç Zogajt në këto dy vëllime i qëndron mirë bibliotekës së kujtdo. Në radhë të parë i qëndron mirë bibliotekës së bashkëkohësve, të cilët duan të shohin në këta libra nuanca, ngjarje, fenomene, kronikë, data, fakte, interpretime, të cilat nuk do t’i gjejmë dot më kurrë, për shkak se ruli i kohës vazhdon i pamëshirshëm për t’i fshirë nga kujtesa, ndërsa shoqëria me strategjitë e saj të harresës, për të mbijetuar e vazhduar përpara në axhendën e saj.

Po ashtu, ky libër u vlen të gjithë atyre, të cilët politikën e kanë objekt veprimi. Është e pamundur të gjesh në mënyrë kaq sintetike një antropologji politike shqiptare, një vëllim kaq të kondensuar të thuajse gjithçkaje me sytë e një dëshmitari të ngjarjeve, me sytë e një përgatitësi të ngjarjeve apo të një konceptuesi të ngjarjeve. Në këtë kuptim, Preç Zogaj mund të konsiderohet si firmëtari i ngjarjeve të tranzicionit dhe kronikani i tij. Grupi i tretë, të cilëve u intereson ky studim, janë të gjithë ata të rinj, studentë, studiues dhe pikërisht prandaj shtëpia jonë botuese, një shtëpi universitare bëhet strehë e këtij botimi, për faktin se studentët e rinj të shkencave politike që duan të ndërtojnë një antropologji politike e kanë këtë libër mënyrën më të mirë për t’i rënë shkurt dhe jo vetëm, për t’u rënë në thelb ngjarjeve, fenomeneve dhe personazheve.

Preç Zogaj, një punëtor i palodhur i fjalës shqipe, një punëtor i palodhur i medias shqiptare, një punëtor i palodhur dhe i talentuar i jetës sonë publike, përveçse mund të krenohet me krijimtarinë e tij artistike, me kolanën e publicistikës politike mund të klasifikohet një ndër më pak se dhjetë librat nëpërmjet të cilëve ne mund të kuptojmë Shqipërinë në të shkuarën dhe të tashmen e saj.

Henri Çili

 

Data sheet

Lloji i botimitPaperback
pages602
ISBN9789928236357
Shtëpia botueseAlbana Bogdani
Published year2018
Vendodhja e botimitTirane
GjuhaShqip
Tipi i publikimitLibër
StatusiI ri
Numri i botimeveRibotim
Përmasat16.5 x 23.5
I ri1

Libra të rinj Shiko më shumë >>

Libra të tjerë të autorit