I ri Fjalori i rimave Shiko më të madhe

Vetëm online

Fjalori i rimave

Vinçens Marku VM0001

Libër i ri

Përshkrim i shkurtër

Ky libër është tejet i domosdoshëm në punën e përditshme të nxënësve, studentëve, mësuesve, pedagogëve, studiuesve por edhe të poetëve, prozatorëve, përkthyësve dhe hartuesve të teksteve të këngëve. Përdorimi i tij shtrihet më tej edhe te oratorët, politikanët, ekspertët e komunikimit politik etj. Ai ka 3065 zëra kryesorë, 4000 zëra reference dhe mbi 40000 fjalë rimuese

Më shumë detaje

Detaje të librit

Shtëpia Botuese

Botimet FIORENTIA
ISBN9789928191489

Shto në listën e librave që dua

Porosit me një klik

Share

30 libra të tjerë nga e njëjta kategori:

Më tepër

Parathënie e botimit*

Hartimi i një fjalori të tillë për kulturën tonë letrare dhe më gjerë ka qenë një nevojë e domosdoshme dhe e pritshme prej kohësh. E domosdoshme sepse ai është një mjet pune i paanashkalueshëm për shumë njerëz që merren me punët e letrave, siç janë: poetët, prozatorët, këngëtarët, përkthyesit, studentet, oratorët, politikanët, studiuesit e ndryshëm të letërsisë dhe të gjuhës shqipe, por edhe studiues të fushave të tjera. Një vepër e pritshme prej kohësh sepse kjo nismë duhet t’i kishte përkitur ndoshta fillimit apo mesit të shekullit të kaluar.

E themi një gjë të tillë, sepse, vetëm po të hedhim një vështrim të shpejtë në internet, do të shohim aty se gjuhët e tjera jo vetëm kanë një fjalor rimash, por kanë disa lloje të ndryshme fjalorësh, si nga përmasa ashtu edhe nga metoda, me natyrë letrare apo gjuhësore; madje, kanë fjalorë rimash posaçërisht për rryma të ndryshme të muzikës. Këto i kanë të hedhur në PDF në trajtën e librave dhe në forma elektronike dhe kompjuterike. Për të mos folur për botime të hershme që shkojnë ndoshta deri në kohën e lindjes së rimës.

Botimi i ri i fjalorëve të rimave duket se është një punë e vazhdueshme e shkollave te ndryshme filologjike evropiane dhe botërore, sepse shohim përmes internetit botime të reja nga më të fundit si botimi i Oksfordit apo i Ubsterit dhe me autorë të rinj gjithashtu. Natyrisht hartimi i këtij fjalori ka edhe një shtysë të brendshme nga ana ime. Gjatë kohës që po përktheja me rimë Artin poetik të Bualosë kam ndjerë shumë nevojën për një flalor të tillë dhe, i detyruar nga puna e përditshme, hartova një flalorth prej 8000 fjalësh rimuese, të cilat grupoheshin afërsisht në 600 zëra rimorë. Pikërisht nga kjo punë fillestare dhe e mundimshme më shkrepi ideja, disi e çmendur, e hartimit të një fjalori ku të përfshiheshin të gjitha fjalët e gjuhës shqipe që i kemi si fjalë tituj në fjalorët e gjuhës sonë. Në fillim mendova se do të ishte një pune që do kryhej shpejt, por nuk më doli kështu; perkundrazi m'u deshën më se dy vite për ta sjellë në gjendjen e tanishme për botim.

Në këtë fjalor gjenden mbi 3000 zëra kryesorë rimash, po kështu edhe mbi 4000 zëra rimorë referues dhe një mori shënimesh për rimat referuese foljore. Në të janë shfrytëzuar dhe përfshirë mbi 40 000 fjalë tituj të fjalorëve të gjuhës shqipe. Kjo gjë krijon një mundësi të larmishme përdoruese, që mendoj se do të shfrytëzohet si duhet në te ardhmen.

Numri i madh fjalëve rimuese nënkupton domosdoshmërisht edhe një forcë poetike të tyre më të ulët, siç mund të mëtohet duke menduar se ato nuk janë të gjitha të përfshira në fondin e fjalës poetike. Siç dimë fjalët nga përdorimi rriten dhe zhvillohen dhe nga mospërdorimi plaken, bien dhe zhduken. Asnjëherë nuk i dihet se çfarë përdor apo nuk përdor talenti artistik krijues. Ai duhet të ketë sa më shumë mundësi për të shpalosur vetveten dhe për të vetpërmbushur atë, në mënyrë të tillë që të realizojë sa më mirë e bukur misionin e tij prej artisti në funksion të emancipimit të njeriut dhe kënaqësisë estetike që puna e tij sjell.

Së fundi, mendojmë se ky fjalor përmbush, brenda kritereve shkencore, nevojën e ethshme që kanë përdoruesit e shumtë në veprimtarinë e tyre krijuese, studiuese dhe përkthimore.

* Prof. As, Dr. Vinçens Marku është autori i librit që ka përgatitur parathënien e mësipërme

Të dhëna

Faqe396
ISBN9789928191489
Titulli origjinalFiorentia
RedaktoriDr. Lisandri Kola
Viti i Botimit2016
VendodhjaShkodër
GjuhaShqip
Tipi i publikimitLibër
StatusiI ri
Numri i botimeveI parë
Përmasat21x16.5